ஏவாள் ஆதாமின் விலா எலும்பா? Rib of Adam and Eve

மனிதனின் விலா எலும்பில் இருந்தா மனுஷி படைக்கப்பட்டாள்?

ஏவாள் ஆதாமின் விலா எலும்பா?

மூல எபிரேய மொழி (Hebrew)

சொல்: Tsela (செலா)

உண்மையான பொருள்: பக்கம் அல்லது பக்கவாட்டு பகுதி (Side)

விளக்கம்: எபிரேய மொழியில் 'செலா' என்ற சொல் கட்டிடத்தின் பக்கவாட்டு சுவரையோ அல்லது ஒரு பொருளின் பக்கத்தையோ குறிக்கவே பயன்படுத்தப்பட்டது. (எ.கா: ஆதாமின் 'பக்கவாட்டுப் பகுதியில்' இருந்து ஏவாள் உருவாக்கப்பட்டார்).

கிரேக்க மொழிபெயர்ப்பு (Greek - Septuagint)

சொல்: Pleura (ப்ளூரா)

முதன்மைப் பொருள்: பக்கம் / பக்கவாட்டு பகுதி (Side)

இரண்டாம் நிலை பொருள்: விலா எலும்பு (Rib)

விளக்கம்: கிரேக்க மொழியில் இச்சொல்லுக்கு 'பக்கம்' என்பதே முதன்மைப் பொருளாக இருந்தது.

ஆனால்,

லத்தீன் மொழிபெயர்ப்பு (Latin Vulgate)

சொல்: Costa (காஸ்டா)

முதன்மைப் பொருள்: விலா எலும்பு (Rib)

இரண்டாம் நிலை பொருள்: பக்கம் (Side)

விளக்கம்: லத்தீன் மொழிபெயர்ப்பின் போது, முதன்மைப் பொருள் 'பக்கம்' என்பதில் இருந்து 'விலா எலும்பு' என்பதாக மாறியது.

ஆங்கில மொழிபெயர்ப்பு (English)

சொல்: Rib (விலா எலும்பு)

விளக்கம்: லத்தீன் மொழியிலிருந்து ஆங்கிலத்திற்கு மொழிபெயர்க்கப்பட்டபோது, 'Rib' (விலா எலும்பு) என்ற சொல்லே நிலையானது.

முடிவாக, மனுஷி மனிதனின் விலா எலும்பை எடுத்து படைக்கப்படவில்லை என்பது தெளிவு. ஆணுக்கும் பெண்ணுக்கும் சமமான எண்ணிக்கையில் தான் எலும்புகள் உள்ளன.

In Original Hebrew tsela meant SIDE

↓ then translated to Greek pleura

Primary meaning: SIDE

(Secondary meaning: rib)

↓ then translated to Latin costa

Primary meaning: RIB

(Secondary meaning: side)

↓ then translated to English 

which became RIB.

But actually its SIDE not Rib. 

மூல மொழியான எபிரேயத்தில் "ஆதாமின் பக்கவாட்டிலிருந்து (Side)" ஏவாள் படைக்கப்பட்டார் என்பது சமத்துவத்தின் அடையாளம் (Equality). 

ஆதாமின் தலையிலிருந்தோ அல்லது காலடியிலிருந்தோ ஏவாள் படைக்கப்படவில்லை.

தலையிலிருந்து படைக்கப்பட்டிருந்தால் பெண் ஆணை விட உயர்ந்தவள் என்றாகிவிடும். காலடியிலிருந்து படைக்கப்பட்டிருந்தால் பெண் ஆணுக்கு அடிமை என்றாகிவிடும்.

ஆனால், பக்கவாட்டிலிருந்து (Side) படைக்கப்பட்டதால், இருவரும் இறைவனின் பார்வையில் முற்றிலும் சமமானவர்கள் என்பதே இதன் முதன்மைப் பொருளாகும்.

விலா எலும்பு (Rib) என்று சொல்லும்போது அது உடலின் ஒரு சிறிய உறுப்பாக மட்டுமே பார்க்கப்படுகிறது. ஆனால் பக்கம் (Side) என்று புரிந்துகொள்ளும்போது, பெண் ஆணின் அடிமையோ அல்லது கீழானவளோ அல்ல; அவன் உடலின் ஒரு பகுதியாகவும், அவனுக்கு எல்லாவிதத்திலும் சமமான வாழ்க்கைத்துணையாகவும் படைக்கப்பட்டவள் என்பதே எபிரேய மூல உரையின் உண்மையான கருத்தாகும்.

பக்கம் (Side) என்ற சொல் ஒருவரை ஒருவர் நேருக்கு நேர் பார்த்து, வாழ்க்கைப் பயணத்தில் தோளோடு தோள் நின்று பயணிக்கும் துணை என்பதைக் குறிக்கிறது. ஆதிக்கம் செலுத்துபவராகவோ அல்லது தாழ்ந்தவராகவோ இல்லாமல், ஒரு இணையான பங்காளியாக (Equal Partner) பெண் இருக்க வேண்டும்.