அன்றோனீக் . Andronicus Bible Characters

திருமறையில் யார் இவர் யாரோ? - 114

அன்றோனீக்

1. பெயர்:  

அன்றோனீக் . Andronicus

2. அர்த்தம்: 

மனிதர்களை வெல்பவர்

3. திருமறை குறிப்புகள்: (இருப்பிடத்துடன்)

ரோமர் 16:7 – பவுலின் உறவினரும், அவருடன் சிறையிலிருந்தவரும், கிறிஸ்துவை முன்பே ஏற்று அப்போஸ்தலர்களிடையே நற்பெயர் பெற்றவருமான சீடர்.

4. வரலாற்றுக் குறிப்புகள்

• பவுலின் உறவினர் & கிறிஸ்துவுக்குள் முந்தியவர்: அன்றோனீக் யூத பின்னணியைக் கொண்டவர் (பவுலின் "இனத்தார்"). பவுல் இயேசுவை ஏற்றுக்கொள்ளும் முன்பே, அன்றோனீக் கிறிஸ்துவை விசுவாசித்தவர்.

• பவுலின் உடன் கைதி: நற்செய்தி ஊழியத்தின் நிமித்தம் பவுலோடு இணைந்து சிறைத்தண்டனையை அநுபவித்தவர்.

• சிறந்த நற்செய்தியாளர்: "அப்போஸ்தலருக்குள்ளே பெயர் பெற்றவர்கள்" என்று பவுல் இவரைக் குறிப்பிடுவதால், தொடக்ககாலத் திருச்சபையில் இவர் நற்செய்தி ஊழியத்தில் தீவிரமாகவும் மதிப்பிற்குரியவராகவும் விளங்கினார் என்பது தெளிவாகிறது.

• பாரம்பரியக் குறிப்பு: திருச்சபை பாரம்பரியத்தின்படி, இவர் பன்னிரண்டு அப்போஸ்தலர்களால் அனுப்பப்பட்ட 70 சீடர்களில் ஒருவராகவும், பின்னர் பானோனியா (Pannonia) பகுதியின் பிஷப்பாக ஊழியஞ்செய்து தியாகியாக மரித்தார் என்றும் கூறப்படுகிறது.

5. கற்றுக்கொள்ளும் ஒரு பாடம்:

அன்றோனீக்கின் பெயர் வேதாகமத்தில் ஒரே ஒரு வசனத்தில் மட்டுமே குறிப்பிடப்பட்டிருந்தாலும், அவர் கிறிஸ்துவுக்காகச் சிறைப்படவும், பவுலால் உயர்த்திப் பேசப்படும் அளவுக்கு உண்மையுள்ள ஊழியக்காரராகவும் வாழ்ந்தார். மேடைகளிலும் பெரிய விளம்பரங்களிலும் நம் பெயர் வராவிட்டாலும், கிறிஸ்துவின் ராஜ்யத்திற்காக நாம் செய்யும் இரகசியமான தியாகங்களையும் உண்மையுள்ள ஊழியத்தையும் கடவுள் என்றும் மறப்பதில்லை.

இறையாசி

உங்களோடிருப்பதாக...

மேயேகோ.இன் திருமறை தியானம்

9486810915

தினமும் இந்த செய்தியை வாட்சப்பில் பெறலாம்.

Bible Characters in Tamil