எலிகூ Elihu வேதாகம மனிதர்

1. அர்த்தம்

எலிகூ என்ற எபிரேயப் பெயருக்கு "அவரே என் கடவுள்" (My God is He) அல்லது "என் கடவுள் யேகோவா" என்று அர்த்தம்.

2. வேதாகம பகுதி

நூல்: யோபு (Job)

அதிகாரங்கள்: யோபு 32 முதல் 37 வரை (மொத்தம் 6 அதிகாரங்கள் எலிகூவின் உரையாடல்களாகவே அமைந்திருக்கும்).

3. பின்னணி

குடும்பம்: இவன் பாறாக் கேலின் குமாரன்; ராமின் வம்சத்து பூசியன் (யோபு 32:2).

 

வயது: யோபுவின் மற்ற மூன்று சிநேகிதர்களைக் காட்டிலும் (எலிப்பாஸ், பில்தாத், சோப்பார்) எலிகூ வயதில் மிகச் சிறியவன்.

ராம் வம்சம்: எலிகூ "ராமின் வம்சத்தான்" என்று சொல்லப்படுவதால், தாவீது ராஜா மற்றும் இயேசுவின் வம்சாவளியில் வரும் 'ராம்' (ரூத் 4:19) என்பவரோடு தொடர்புபடுத்திப் பார்க்கும் கருத்துகளும் வரலாற்று விவாதங்களில் உண்டு.

சூழல்: யோபுவுக்கும் அவனது மூன்று சிநேகிதர்களுக்கும் இடையே நடந்த நீண்ட விவாதத்தைக் கவனித்துக் கொண்டிருந்தான். மூவராலும் யோபுவின் கேள்விகளுக்குத் தகுந்த பதிலளிக்க முடியவில்லை; அதேசமயம் யோபுவும் தன்னைத்தானே நீதிமான் என்று நியாயப்படுத்திக்கொண்டே இருந்தான். இதனால் எலிகூவின் கோபம் மூண்டது (யோபு 32:2-5).

4. சிறப்பு

✒️இளமையும் மரியாதையும்: பெரியவர்கள் பேசி முடிக்கும் வரை அமைதியாகக் காத்திருந்து, தன் முறை வந்தபோது பணிவோடும் அதேசமயம் தெளிவோடும் பேசினான்.

✒️வேறுபட்ட கோணம்: மற்ற மூன்று நண்பர்கள் "துன்பத்திற்கு ஒரே காரணம் பாவம் மட்டுமே" என்று வாதிட்டனர். ஆனால் எலிகூ, "துன்பம் என்பது மனிதனைத் திருத்தவும், அவனைப் புடமிட்டு எச்சரிக்கவும் கடவுள் தரும் ஒரு பாடமாகவும் இருக்கலாம்" என்ற புதிய கோணத்தை முன்வைத்தான்.

✒️கடவுளின் தூதுவன் போல: யோபுவுக்கும் கடவுளுக்கும் இடையே ஒரு மத்தியஸ்தனைப் போலப் பேசி, கடவுளின் வல்லமை, நீதி மற்றும் மகத்துவத்தை உயர்த்தினான் (யோபு 36, 37 அதிகாரங்கள்).

 ✒️ கடவுளின் கண்டனத்திற்கு ஆளாகாதவன்: யோபுவின் புத்தகத்தின் இறுதியில் மற்ற மூன்று நண்பர்களைக் கடிந்துகொள்ளும் கடவுள், எலிகூவைக் கடிந்துகொள்ளவில்லை.

✒️துன்பம் பற்றிய புதிய கோட்பாடு (Educational Suffering): அக்காலப் பண்டைய கிழக்கு (Ancient Near East) சமூகத்தில் "துன்பம் என்பது பாவத்திற்கான தண்டனை மட்டுமே" என்ற கருத்து நிலவியது. அதை உடைத்து, "துன்பம் என்பது மனிதனைப் பண்படுத்தும் மற்றும் எச்சரிக்கும் ஒரு கருவி" என்ற முற்போக்கானக் கருத்தை எலிகூ முன்வைத்தான்..

5. கற்றுக்கொள்ளும் பாடம்

🌟 வயதைக் காட்டிலும் ஞானம் முக்கியம்: ஞானம் வெறும் வயதினால் மட்டும் வருவதில்லை; கடவுளுடைய ஆவியே மனிதனுக்குப் புத்தியைத் தருகிறார் (யோபு 32:8).

 🌟பேசுவதற்கு முன் கவனமாகக் கேட்க வேண்டும்: மற்றவர்கள் பேசுவதைக் பொறுமையோடு கவனித்து, முழுமையாகப் புரிந்துகொண்ட பிறகே பதில் பேச வேண்டும்.

 🌟துன்பத்தின் நோக்கம் சுட்டிக்காட்டுதல்: துன்பங்கள் எப்போதும் தண்டனை மட்டுமே அல்ல; அவை நம்மைக்கடவுளிடம் திருப்புவதற்கும், நம் ஆவிக்குரிய வாழ்வைச் சுத்திகரிப்பதற்குமான கடவுளுடைய அழைப்பாகவும் இருக்கலாம்.

மேயேகோ 

9486810915