கூடாரப் பண்டிகையில் (Sukkot) பயன்படுத்தப்படும் நான்கு வகையான (Arba'at HaMinim) தாவரங்கள் • Festival of Tabernacle

யூத மாதமான 'திஸ்ரி' (Tishrei) மாதத்தின் 15-ஆம் நாள் தொடங்கி ஏழு நாட்கள் கொண்டாடப்படும் யூதர்களின் அறுவடைத் திருவிழாவான கூடாரப் பண்டிகை (Sukkot) போது 'நான்கு வகையான' (Arba'at HaMinim) தாவரங்கள் பயன்படுத்தப்படுகின்றன. நான்கையும் சேர்த்து, கையில் ஏந்தி இறைவனைப் புகழுவார்கள். 

1. லூலாவ் (Lulav) - பேரீச்ச மரக் குருத்தோலை

இது விரிவடையாத, நேராக உள்ள பேரீச்ச மரத்தின் இளம் குருத்தோலை ஆகும். இது நிமிர்ந்து நேராக இருக்கும் பேரீச்ச மரத்தின் இளம் குருத்து. இதற்குச் சுவை (பழம்) உண்டு, ஆனால் மணம் இல்லை. இது மனிதனின் முதுகெலும்பை குறிப்பதாகக் கருதப்படுகிறது. நேர்மையான மற்றும் உறுதியான நம்பிக்கையை இது அடையாளப்படுத்துகிறது.. இது இறை ஞானம் இருந்தும், அதற்கேற்ற செயல்கள் இல்லாதவர்களைக் குறிப்பதாகக் கருதப்படுகிறது.

 

2. எத்ரோக் (Etrog): 

இது ஒரு வகை எலுமிச்சை (Citron). இது ஒரு மணம்மிக்க சிட்ரஸ் பழம். யூத மரபுப்படி, இது நறுமணமும் சுவையும் கொண்டது. இது நற்செயல்களையும், இறை ஞானத்தையும் (Torah) கொண்ட மனிதர்களைக் குறிக்கிறது. இது மனிதனின் இதயத்தைக் குறிக்கிறது. 

3. ஹதாஸிம் (Hadasim): 

இது மிர்ட்டல் (Myrtle) செடியின் கிளைகள். மிருதுவான மிர்டில் (Myrtle) கிளைகள்

இவை மணம் கொண்டவை, ஆனால் சுவையற்றவை. இவை நற்செயல்கள் செய்தும், போதிய இறை ஞானம் இல்லாதவர்களைக் குறிக்கின்றன. பொதுவாக மூன்று மிர்டில் கிளைகள் பயன்படுத்தப்படும். இது மனிதனின் கண்களைக் குறிக்கிறது

4. அரவோத் (Aravot): 

இது அலரி அல்லது வில்லோ (Willow) மரக் கிளைகள். அலரி அல்லது நீரோர வில்லோ (Willow) கிளைகள்

இதற்கு மணமும் இல்லை, சுவையும் இல்லை. இது இறை ஞானமும், நற்செயல்களும் இல்லாத சாமானிய மனிதர்களைக் குறிக்கிறது. பொதுவாக இரண்டு வில்லோ கிளைகள் பயன்படுத்தப்படும். இது மனிதனின் வாயைக் குறிக்கிறது.

வசன ஆதாரம் 

லேவியராகமம் 23:40:"முதலாம் நாளிலே பேரீச்ச மரங்களின் குருத்தோலைகளையும், தழைத்த மரங்களின் கிளைகளையும், ஆற்றலரிச் செடிகளையும் கொண்டுவந்து, உங்கள் தேவனாகிய கர்த்தருடைய சந்நிதியில் ஏழு நாள் சந்தோஷமாயிருக்கக்கடவீர்கள்."

நெகேமியா 8:15: "நீங்கள் மலைக்குப் போய், பேரீச்ச மரக்கிளைகளையும், ஒலிவ மரக்கிளைகளையும், காட்டொலிவ மரக்கிளைகளையும், மிர்ட்டல் செடியின் கிளைகளையும், அடர்த்தியான மற்ற மரங்களின் கிளைகளையும் கொண்டுவந்து, எழுதியிருக்கிறபடியே கூடாரங்களைப் போடுங்கள்..."

யூத கூடாரப் பண்டிகை & குருத்தோலை ஞாயிறு தொடர்பு வாசிக்க இங்கே கிளிக் செய்யவும்.

இவற்றின் முக்கியத்துவம்:

இந்த நான்கு தாவரங்களையும் ஒன்றாகச் சேர்த்துப் பிடிப்பது, சமுதாயத்தில் உள்ள அனைத்துத் தரப்பு மக்களும் (ஞானிகள் முதல் சாமானியர்கள் வரை) இறைவனின் முன்னிலையில் ஒற்றுமையாக இருப்பதைக் குறிக்கிறது. வழிபாட்டின் போது, இவை நான்கு திசைகளிலும், மேலேயும் கீழேயும் அசைக்கப்படும். இது இறைவன் எங்கும் நிறைந்திருக்கிறார் என்பதை உணர்த்துகிறது.