1. தொடக்க காலம் மற்றும் விவிலிய பின்னணி (கி.பி. 30 - 33)
ஈஸ்டர் பண்டிகையின் அடிப்படை நிகழ்வுகள் கி.பி. 30 முதல் 33 வரையிலான காலகட்டத்தில் நிகழ்ந்ததது. யூத நாட்காட்டியின்படி 'நிசான்' மாதம் 14-ஆம் நாள் (புனித வெள்ளி) அவர் சிலுவையில் அறையப்பட்டார். பின்னர் வாரத்தின் முதல் நாளான ஞாயிற்றுக்கிழமை அதிகாலையில் அவர் உயிர்த்தெழுந்தார். இதுவே ஈஸ்டர் பண்டிகையின் தொடக்கப் புள்ளியாகும்.
2. தேதியைக் கணக்கிடுவதில் ஏற்பட்ட சர்ச்சைகள் (கி.பி. 150 - 325)
ஆரம்பகால கிறிஸ்தவர்கள் ஈஸ்டரை எப்போது கொண்டாட வேண்டும் என்பதில் இரு பிரிவுகளாக இருந்தனர்:
குவார்ட்டோ டெசிமன்ஸ்
Quartodecimanism குழுவினர் யூதர்களின் பஸ்கா பண்டிகை வரும் அதே நாளில் (நிசான் 14) ஈஸ்டரைக் கொண்டாட விரும்பினர், அது வாரத்தின் எந்த நாளாக இருந்தாலும் சரி என்று கருதினர்.
மேற்கத்திய முறையில் இயேசு உயிர்த்தெழுந்த ஞாயிற்றுக்கிழமையிலேயே கொண்டாட வேண்டும் என்று ரோம் நகரத் தேவாலயம் வலியுறுத்தியது.
3. நிசேயா பொதுச்சங்கம் (கி.பி. 325) முடிவு
தொடக்க காலத்தில் ஈஸ்டர் எந்த நாளில் கொண்டாடப்பட வேண்டும் என்பதில் பல்வேறு குழப்பங்கள் இருந்தன. இதனைத் தீர்க்க கி.பி. 325-இல் பேரரசர் கான்ஸ்டன்டைன் தலைமையில் நிசேயா பொதுச்சங்கம் (Council of Nicaea) கூடியது. அங்கு எடுக்கப்பட்ட முடிவின்படி, வசந்த கால சம இரவு பகல் நாளுக்கு (Vernal Equinox - மார்ச் 21) பிறகு வரும் முதல் முழு நிலவுக்கு அடுத்த ஞாயிற்றுக்கிழமை ஈஸ்டர் கொண்டாடப்பட வேண்டும் என்று நிர்ணயிக்கப்பட்டது. இதனால் ஒவ்வொரு ஆண்டும் ஈஸ்டர் தேதி மார்ச் 22 முதல் ஏப்ரல் 25-க்குள் மாறி மாறி வருகிறது.
3. கிரிகோரியன் நாட்காட்டி மாற்றம் (கி.பி. 1582)
1582-ஆம் ஆண்டில் திருத்தந்தை 13-ஆம் கிரகோரி 'கிரிகோரியன் நாட்காட்டியை' அறிமுகப்படுத்தினார்.
இதன் காரணமாக மேற்கத்திய தேவாலயங்கள் (கத்தோலிக்கம் மற்றும் புரோட்டஸ்டன்ட்) ஒரு தேதியிலும், ஜூலியன் நாட்காட்டியைப் பின்பற்றும் கிழக்கு மரபுவழி தேவாலயங்கள் (Orthodox) மற்றொரு தேதியிலும் ஈஸ்டரைக் கொண்டாடுகின்றனர்.
ஈஸ்டர் என்பது வெறும் பண்டிகை மட்டுமல்ல, அது கிறிஸ்தவ நம்பிக்கையின் அச்சாணியாகும். இது இருளை வென்ற ஒளி மற்றும் மரணத்தை வென்ற வாழ்வின் அடையாளமாகத் திகழ்கிறது.
0 Comments