கிறிஸ்பு Crispus Bible Characters 90

திருமறையில் யார் இவர் யாரோ? - 90

கிறிஸ்பு: துணிச்சலான விசுவாசம் 

1. பெயர்:  

கிறிஸ்பு Crispus

2. அர்த்தம்: 

சுருள் முடியுடையவர்

3. திருமறை குறிப்புகள்: (இருப்பிடத்துடன்)

அப்போஸ்தலர் 18:8 - கொரிந்து பட்டணத்து ஜெபஆலயத் தலைவனாகிய கிறிஸ்பு என்பவன் தன் வீட்டார் அனைவரோடும் கர்த்தரிடத்தில் விசுவாசமுள்ளவனானான்.

1 கொரிந்தியர் 1:14 - அப்போஸ்தலனாகிய பவுல் கொரிந்துவில் நேரடியாகத் தாம் ஞானஸ்நானம் கொடுத்த ஒரு சிலரில் கிறிஸ்புவும் ஒருவர் எனக் குறிப்பிடுகிறார்.

4. வரலாற்றுக் குறிப்புகள்

• கிறிஸ்பு கிரேக்க நாட்டின் கொரிந்து நகரத்தில் அமைந்திருந்த யூத ஜெபஆலயத்தின் தலைமை அதிகாரியாகவும் (Ruler of the Synagogue) பொறுப்புள்ள தலைவராகவும் இருந்தார்.

• அப்போஸ்தலனாகிய பவுல் கொரிந்துவில் சுவிசேஷம் அறிவித்தபோது, கிறிஸ்பு இயேசுவை மெய்யான இரட்சகராக ஏற்றுக்கொண்டார்.

• ஒரு யூத சமூகத் தலைவரே கிறிஸ்துவை ஏற்றுக்கொண்டது கொரிந்து நகரில் பெரிய மாற்றத்தை ஏற்படுத்தியது; இதன் மூலம் திரளான மக்கள் இயேசுவை விசுவாசித்து ஞானஸ்நானம் பெற்றனர்.

• திருச்சபை பாரம்பரியத்தின்படி, இவர் பிற்காலத்தில் ஈஜினா (Aegina) தீவுப் பகுதியின் ஆயராகப் (Bishop) பணியாற்றி இறைப்பணியில் உண்மையுள்ளவராக நிலைத்திருந்தார் என்று கருதப்படுகிறது.

5. கற்றுக்கொள்ளும் ஒரு பாடம்:

உயர்ந்த சமூக அந்தஸ்தோ, பாரம்பரிய மதப் பின்னணியோ உண்மை இறைவனை ஏற்றுக்கொள்வதற்குக் தடையாக இருக்கக்கூடாது. நாம் எடுக்கும் உறுதியான விசுவாசத் தீர்மானம், நம் குடும்பத்தையும் நம்மைச் சுற்றியுள்ள சமூகத்தையும் கிறிஸ்துவிடம் வழிநடத்தும் பெரிய சாட்சியாக மாறும்.

இறையாசி

உங்களோடிருப்பதாக...

மேயேகோ.இன் திருமறை தியானம்

9486810915

தினமும் இந்த செய்தியை வாட்சப்பில் பெறலாம்.

Bible Characters in Tamil