Modern Prayer | நவீன ஜெபம்

திருமிகு. திருவேண்டல்

Modern Prayer

வாழ்க்கையில் எதையும் ருசி பார்க்காமல்
வார்த்தையில்  வித விதமாக அலங்கரிப்பு

இம்மியளவு விசுவாசம் உள்ளே இல்லாமல்
இலக்கிய வித்துவானாக அடுக்கும் சொற்கள்

அப்போவாடு பேசுகிறோம் என்பதை மறந்ததால்
அழகான வார்த்தை விளையாட்டு புதிராகவே

மறைவான மன்றாட்டில் பிதற்ற வழியில்லாமல்
மக்களிடையே தொனிக்கும் பாரம்பரிய எக்காளம்

துவளாமல் இறைநீதியை மறைத்து விட்டதால்
துதிபாமாலை குரங்கு கையில் பூமாலையாய்

திருவாளர் மனிதரல்ல என்பதை சிந்திக்காமல்
திருப்தியாக்கும் தொழிலில் நவீன கெஞ்சல்

உள்ளத்து இருந்து சுயநீதியின்றி ஏறெடுத்தால்
உண்மையில் சொற்போர்  இறைக்குப் புகழே

ஆவியும் வார்த்தையும் இணைந்து வராவிடில்
ஆட்டம் கண்டிடும் வாழ்க்கையின் சாட்சியிலே