சுவிசேஷ வைராக்கியம் – 1 கொரிந்தியர் 9:16 Paul's Life

பவுலடிகளார் பயணத்தின்று பாடம் 11

சுவிசேஷ வைராக்கியம் – 1 கொரிந்தியர் 9:16

சுவிசேஷம் அறிவிப்பது என்பது பவுலுக்கு ஏதோ ஒரு பகுதிநேரப் பணியோ அல்லது விருப்பமான வேலையோ அல்ல. அது அவருடைய வாழ்வின் பிரிக்க முடியாத கடமை என்பதை இத்தீவிரமான வார்த்தைகள் மூலம் வெளிப்படுத்துகிறார். "சுவிசேஷத்தை நான் பிரசங்கித்து வந்தும், மேன்மைபாராட்ட எனக்கு இடமில்லை; அது என்மேல் விழுந்த கடமையாயிருக்கிறது; சுவிசேஷத்தை நான் பிரசங்கியாதிருந்தால் எனக்கு ஐயோ!" என்கிறார். இங்கு 'ஐயோ' என்ற சொல், ஒருவேளை அவர் அந்தப் பணியைச் செய்யாவிட்டால் ஏற்படும் ஆவிக்குரிய வேதனையையும், பொறுப்புணர்வையும் குறிக்கிறது. இது புகழுக்காகச் செய்யும் ஊழியம் அல்ல, உள்ளத்திலிருந்து எழும் தாகம்.

 1. நான் பெற்ற ஆவிக்குரிய நன்மைகளை மற்றவர்களுடன் பகிர்ந்து கொள்ளும் தாகம் எனக்குள் இருக்கிறதா?

 2. சுவிசேஷம் சொல்வதை ஒரு சுமையாகக் கருதுகிறேனா அல்லது ஒரு சிலாக்கியமாகக் கருதுகிறேனா?

 3. என் வாழ்வில் மற்றவர்கள் கடவுளைக் காணும் வகையில் என் சாட்சி இருக்கிறதா?

வைராக்கியம் என்பது ஒரு வேலையை வெறும் கடமைக்காகச் செய்யாமல், கட்டாயமான உந்துதலோடு செய்வது. நாம் எதை உண்மையாக நேசிக்கிறோமோ, அதைப் பற்றிப் பேசாமல் இருக்க முடியாது. ஒரு விசுவாசியின் வாழ்வில் கடவுளுடைய அன்பைப் பிறருக்குச் சொல்வது என்பது ஒரு விருப்பத் தெரிவு (Option) அல்ல, அது நம் வாழ்வின் உயிர்நாடியாக இருக்க வேண்டும்.

இறையாசி

உங்களோடிருப்பதாக...

Lessons from Paul's Life Journey 

Acknowledgement 

Meyego