பழைய ஏற்பாடு எபிரெயத்தில் யெகோவா சிட்கேனு / JEHOVAH TSIDKENU (יְהוָה צִדְקֵנוּ)
பொருள்: 'கர்த்தர் நமது நீதி' (The Lord Our Righteousness). இதன் வேர்ச்சொல் 'Tsedek', இதற்கு "நேர்மை" அல்லது "சரியான நிலை" என்று பொருள்.
"அவருடைய நாட்களில் யூதா இரட்சிக்கப்படும், இஸ்ரவேல் சுகமாய் வாசம் பண்ணும்; அவருக்கு இடப்படும் நாமம்: யெகோவா சிட்கேனு (Jehovah Tsidkenu) என்பதே." (எரேமியா 23:6)
எரேமியா தீர்க்கதரிசி இஸ்ரவேல் ஜனங்கள் தங்கள் பாவங்களினால் நீதி தவறிப் போன காலத்தில் இந்தத் தீர்க்கதரிசனத்தை உரைத்தார். மனிதர்கள் தங்கள் சொந்தச் செயல்களால் ஒருபோதும் நீதியைப் பெற முடியாது என்பதை உணர்த்தவும், வரப்போகிற மேசியா (இயேசு கிறிஸ்து) ஒருவரே அவர்களுக்கு நீதியை அருளுவார் என்பதைக் குறிக்கவும் இந்தப் பெயர் பயன்படுத்தப்பட்டது.
"நாம் எவ்வளவு முயற்சி செய்தாலும் நம்முடைய நீதி 'அழுக்கான கந்தையைப்' போல இருக்கிறது. ஆனால் நாம் கிறிஸ்துவை விசுவாசிக்கும்போது, நம்முடைய பாவம் அவர் மேல் சுமத்தப்பட்டு, அவருடைய நீதி நமக்கு அருளப்படுகிறது. 'யெகோவா சிட்கேனு' நம்மைத் தேவனுக்கு முன்பாகக் குற்றமற்றவர்களாக நிறுத்துகிறார்."
0 Comments