யூதா: பொறுப்புகளை ஏற்று நிறைவேற்றுதல்
1. பெயர்:
யூதா • Judas Barsabbas / பர்சபா
2. அர்த்தம்:
யூதா: துதிக்கப்பட்டவன் (Praised) / கர்த்தரைத் துதித்தல்.
பர்சபா: சபா/சபாவின் மகன் (Son of Sabbas) அல்லது ஓய்வுநாளின் மகன் (Son of the Sabbath).
3. திருமறை குறிப்புகள்: (இருப்பிடத்துடன்)
அப்போஸ்தலர் 15:22 – எருசலேம் சங்கத்தில், புறஜாதி விசுவாசிகளுக்குக் கடிதம் கொண்டுசெல்ல பவுல், பர்னபாவுடன் தெரிந்துகொள்ளப்பட்ட எருசலேம் திருச்சபையின் தலைவர்களில் ஒருவர்.
அப்போஸ்தலர் 15:27 – எருசலேம் சங்கத்தின் தீர்மானங்களை நேரில் வாய்மொழியாக உறுதிப்படுத்த அனுப்பப்பட்டவர்.
அப்போஸ்தலர் 15:32 – யூதா ஒரு தீர்க்கதரிசியாக இருந்து, சகோதரர்களுக்குப் பல வார்த்தைகளால் புத்திசொல்லி, அவர்களை விசுவாசத்தில் திடப்படுத்தினார்.
அப்போஸ்தலர் 15:33 – சில காலம் அந்தியோகியாவில் ஊழியம் செய்தபின், சகோதரர்களால் சமாதானத்தோடே அப்போஸ்தலரிடத்திற்கு அனுப்பி வைக்கப்பட்டார்.
4. வரலாற்றுக் குறிப்புகள்
• இயேசுவின் 70 சீடர்களில் ஒருவராக இருந்திருக்கலாம் என்று பாரம்பரிய வரலாற்று ஆசிரியர்கள் கருதுகின்றனர்.
• ஆரம்பகால எருசலேம் திருச்சபையில் மிகுந்த மதிப்பும் நம்பிக்கையும் பெற்ற மூப்பராகவும், தலைவராகவும் (Leading man) திகழ்ந்தார்.
• எருசலேம் திருச்சபைக்கும் புறஜாதி கிறிஸ்தவர்கள் நிறைந்த அந்தியோகியா திருச்சபைக்கும் இடையே ஏற்பட்ட யூத ஆசாரச் சிக்கல்களைத் தீர்க்கும் சமாதானத் தூதுவராகச் செயல்பட்டார்.
• சீலா என்பவரோடு இணைந்து ஊழியப் பயணம் மேற்கொண்டு, திருச்சபையின் ஒற்றுமைக்காகப் பாடுபட்டார்.
5. கற்றுக்கொள்ளும் ஒரு பாடம்:
எருசலேம் சங்கம் தீர்மானித்த கடிதத்தை அந்தியோகியாவிற்கு எடுத்துச் செல்லும் பொறுப்பு யூதாவிடம் கொடுக்கப்பட்டது. அவர் அதை வெறும் நிருபத்தைக் கொடுக்கும் அஞ்சல் வேலையாகப் பார்க்காமல், நேரில் சென்று இறை செய்தியை அறிவித்து, எருசலேம் திருச்சபையின் விருப்பத்தை முழுமையாகப் பிரதிபலித்தார். தான் ஏற்றுக் கொண்ட பணி முடியும் வரை அந்தியோகியாவில் தங்கி, சகோதரர்களைத் திடப்படுத்தி, ஊழியம் செய்து முடித்தார். பொறுப்பை பாதியில் கைவிடாமல், அதை முழுமையாக நிறைவேற்றி முடித்த பின்னரே சமாதானத்தோடு எருசலேமுக்குத் திரும்பினார்.
இறையாசி
உங்களோடிருப்பதாக...
மேயேகோ.இன் திருமறை தியானம்
9486810915
தினமும் இந்த செய்தியை வாட்சப்பில் பெறலாம்.
Bible Characters in Tamil
0 Comments