ஏரோதியான் Herodion Bible Characters

திருமறையில் யார் இவர் யாரோ? - 120

ஏரோதியான்:உலகப் பெருமையை விட கிறிஸ்துவின் சீஷத்துவமே மேல்

1. பெயர்:  

ஏரோதியான் Herodion

2. அர்த்தம்: 

ஏரோதின் ஆதரவாளன்

3. திருமறை குறிப்புகள்: (இருப்பிடத்துடன்)

ரோமர் 16:11 பவுல் ரோமாபுரிச் சபைக்கு எழுதிய நிருபத்தின் முடிவில், கிறிஸ்துவுக்குள் தனக்கு நெருக்கமான உறவினராகவும் விசுவாசப் பங்காளியாகவும் இருந்த ஏரோதியோனுக்குத் தனது அன்பான வாழ்த்துகளைத் தெரிவிக்கிறார்.

4. வரலாற்றுக் குறிப்புகள்

• யூதப் பின்னணி: பவுல் இவரை "என் இனத்தான்" என்று குறிப்பிடுவதால், இவர் பவுலைப்போலவே ஒரு யூதர் என்பதை அறிந்துகொள்ள முடிகிறது.

• தொடக்ககாலத் திருச்சபை பாரம்பரியத்தின்படி (Early Church Tradition), இவர் இயேசு கிறிஸ்துவால் அனுப்பப்பட்ட 70 சீடர்களில் ஒருவர்

• அரச குடும்பத் தொடர்பு: இவரது பெயர் "ஏரோதியான்" என்று இருப்பதால், இவர் ஏரோது அரச குடும்பத்தினரின் வீடுகளிலோ அல்லது ஏரோது மன்னர்களின் கீழ் பணியாற்றிய குடும்பத்தைச் சேர்ந்தவராகவோ இருந்திருக்கலாம் என வரலாற்று ஆசிரியர்கள் கருதுகின்றனர்.

• பத்தராஸின் ஆயர் (பாரம்பரியக் கூற்று): கிரேக்க நாட்டில் உள்ள 'பத்தராஸ்' (Patras) என்னும் இடத்திற்கு ஆயராகப் (Bishop) பணியாற்றி, கிறிஸ்துவின் நிமித்தம் இரத்தசாட்சியாக மரித்தார் என்றும் நம்பப்படுகிறது.

5. கற்றுக்கொள்ளும் ஒரு பாடம்:

"ஏரோது" என்ற பெயர் அக்காலத்தில் உலகப் பிரகாரமான அதிகாரம், ராஜவம்சம் மற்றும் பெருமையைக் குறிப்பதாக இருந்தது. ஆனால், ஏரோதியான் அந்த உலகப் பெருமைகளை நாடாமல், கிறிஸ்துவின் எளிய ஊழியக்காரனாகவும், துன்புறுத்தப்பட்ட ஆரம்பகாலத் திருச்சபையின் விசுவாசியாகவும் மாறினார். உலக அதிகாரங்களை விட கிறிஸ்துவின் அன்பே மேலானது என்பதை இவரது வாழ்க்கை நமக்குக் கற்பிக்கிறது.

இறையாசி

உங்களோடிருப்பதாக...

மேயேகோ.இன் திருமறை தியானம்

9486810915

தினமும் இந்த செய்தியை வாட்சப்பில் பெறலாம்.

Bible Characters in Tamil