சீலா • Silas Bible Characters

திருமறையில் யார் இவர் யாரோ? - 83

சீலா: துன்பத்திலும் துதிபாடுவோம்

1. பெயர்:  

சீலா • Silas

2. அர்த்தம்: 

வேண்டிக்கொள்ளப்பட்டவர்

3. திருமறை குறிப்புகள்: (இருப்பிடத்துடன்)

• எருசலேம் சபையின் தலைவர்களில் ஒருவர்: அப்போஸ்தலர் 15:22 (சகோதரரில் முதன்மையான மனிதராகிய சீலா).

• தீர்க்கதரிசி: அப்போஸ்தலர் 15:32 (சீலாவும் தீர்க்கதரிசிகளாயிருந்தபடியினால்...).

• பவுலின் இரண்டாம் மிஷனரிப் பயணம்: அப்போஸ்தலர் 15:40 (பவுல் சீலாவைத் தெரிந்துகொண்டு...).

• பிலிப்பி சிறைச்சாலை அனுபவம்: அப்போஸ்தலர் 16:25-26 (நடுஇரவிலே பவுலும் சீலாவும் ஜெபம் பண்ணி, தேவனைத் துதித்துப்பாடினார்கள்).

பெரோயா ஊரில் ஊழியத் தொடர்ச்சி: அப்போஸ்தலர் 17:10, 14.

நிருபங்களில் குறிப்பிடப்படுதல்: 2 கொரிந்தியர் 1:19, 1 தெசலோனிக்கேயர் 1:1, 2 தெசலோனிக்கேயர் 1:1, 1 பேதுரு 5:12 (சில்வான் என்ற பெயரில்).

4. வரலாற்றுக் குறிப்புகள்

• ஆரம்பகால எருசலேம் திருச்சபையில் யூத-கிறிஸ்தவர்களுக்கும் புறஜாதி கிறிஸ்தவர்களுக்கும் இடையே எழுந்த விருத்தசேதனம் குறித்த தர்க்கத்தைத் தீர்க்க, அப்போஸ்தலர்களின் நிருபத்தை அந்தியோகியாவுக்குக் கொண்டு சென்ற தூதுவர்களில் சீலாவும் ஒருவர்.

• பவுலும் பர்னபாவும் ஊழியத்தில் பிரிந்தபோது, பவுல் தனது ஊழியப் பங்காளியாகச் சீலாவைத் தேர்ந்தெடுத்தார்.

• இவர் ரோம குடியுரிமை பெற்றவர் (அப்போஸ்தலர் 16:37). இதனால் பிலிப்பி சிறைச்சாலையில் சட்டப்பூர்வமான உரிமைகளைப் பெற்றிருந்தார்.

• பேதுருவின் முதல் நிருபத்தை எழுதுவதற்கு உதவியாக (எழுத்தராக/ஊழியராக) இருந்தவர் என்று பாரம்பரியம் கூறுகிறது.

5. கற்றுக்கொள்ளும் ஒரு பாடம்:

பவுலும் சீலாவும் சிறைச்சாலையில் சங்கிலிகளால் கட்டப்பட்டிருந்தபோதும், நடுஇரவில் கடவுளைத் துதித்துப் பாடியபோது நிலநடுக்கம் உண்டாகி சிறையின் கதவுகள் திறந்தன. துன்பங்கள், வேதனைகள் மற்றும் சிறைச்சாலை போன்ற கடினமான சூழ்நிலைகளிலும் சோர்ந்துபோகாமல் கடவுளைத் துதித்துப் பாடும்போது, கட்டுகள் அவிழ்ந்து, நம்மைச் சுற்றியிருப்பவர்களுக்கும் (சிறைச்சாலையின் அதிபதியைப் போல) இரட்சிப்பு உண்டாகும்.

இறையாசி

உங்களோடிருப்பதாக...

மேயேகோ.இன் திருமறை தியானம்

9486810915

தினமும் இந்த செய்தியை வாட்சப்பில் பெறலாம்.

Bible Characters in Tamil