அண்ணகர் vs திருநங்கை Biblical Explain on Transgender

பரிசுத்த வேதாகமத்தில் "அண்ணகர்" என்ற சொல், பல்வேறு நிலைகளைக் குறிக்கிறது. 

இது உடற்குறைபாடு, அரச பதவி மற்றும் ஆவிக்குரிய அர்ப்பணிப்பு ஆகியவற்றை உள்ளடக்கியது. எபிரெய மொழியில் "சாரிஸ்" என்றும் கிரேக்க மொழியில் "யுனூகோஸ்" என்றும் அழைக்கப்படும் இந்த வார்த்தைக்கு "அரசவை அதிகாரி" அல்லது "அரண்மனைப் பணியாளர்" என்று பொருள்.

மத்தேயு 19:12-ல் இயேசு கிறிஸ்து குறிப்பிடும் மூன்று வகையினர்:

இயேசு கிறிஸ்து மத்தேயு 19:12-ல் அண்ணகர்களை மூன்று வகைகளாகப் பிரிக்கிறார்:

1. தாயின் வயிற்றிலிருந்து அண்ணகர்களாய்ப் பிறந்தவர்கள்:

   இவர்கள் பிறப்பிலேயே சரீர பிறப்புறுப்புக் குறைபாடுகளோடும் பாலியல் நாட்டமின்றியும் இயற்கையாகப் பிறந்தவர்கள் ஆவர்.

2. மனுஷரால் அண்ணகராக்கப்பட்டவர்கள்:

   இவர்கள் பண்டைய காலத்தில் அரசர்களால் கட்டாயப்படுத்தப்பட்டு அரண்மனைப் பணிகளுக்காகக் காயடிக்கப்பட்டவர்கள் ஆவர்.

3. பரலோகராஜ்யத்தினிமித்தம் தங்களை அண்ணகர்களாக்கினவர்கள்:

   இவர்கள் தேவனுடைய ஊழியத்திற்காகவும் பரலோகராஜ்யத்திற்காகவும் திருமண வாழ்வைத் துறந்து சுயவிருப்பத்தோடு பிரம்மச்சாரியத்தை ஏற்றுக்கொண்டவர்கள் ஆவர்.

   இதற்கு 1 கொரிந்தியர் 7:7-8, 32-35 வசனங்கள் ஆதாரமாக அமைகின்றன.

வேதாகமத்தில் அண்ணகர்களின் முக்கியத்துவம் மற்றும் உதாரணங்கள்:

   

எத்தியோப்பிய அண்ணகர் (அப்போஸ்தலர் 8:26–39):

   இவர் நற்செய்தியைக் கேட்டு விசுவாசித்து, புதிய ஏற்பாட்டின் முதல் புறஜாதி விசுவாசியாகத் திருமுழுக்கு பெற்றார். இது தேவனுடைய கிருபை அனைவருக்கும் உரியது என்பதை எடுத்துக்காட்டுகிறது.

  

 எபெத்-மேலேக் (எரேமியா 38:7–13 மற்றும் எரேமியா 39:15–18):

   இவர் எரேமியா தீர்க்கதரிசியை பாதாளச் சிறையிலிருந்து துணிச்சலுடன் மீட்ட அண்ணகர்.

   இவரது செயலுக்காக தேவன் இவருக்குத் தம்முடைய பாதுகாப்பை வாக்குத்தத்தமாக அருளினார்.

   ஹேகாய் (எஸ்தர் 2:3, 14–15):

   இவர் பெண்களின் காவலாளியாகிய பிரதானி.

   எஸ்தர் அரசிக்குத் தேவையான ஆலோசனைகளைக் கொடுத்து உதவினார்.

பழைய ஏற்பாட்டு நியாயப்பிரமாணமும் புதிய ஏற்பாட்டு கிருபையும்:

   பழைய ஏற்பாடு (உபாகமம் 23:1):

   "விரை நசுங்கினவனும் யோனி சிதைக்கப்பட்டவனும் கர்த்தருடைய சபைக்கு உட்படலாகாது" என்று பழைய ஏற்பாட்டு நியாயப்பிரமாணத்தில் சரீர ஒழுங்கிற்காகத் தடை இருந்தது.

   

புதிய ஏற்பாடு (ஏசாயா 56:4–5):

   "என் உடன்படிக்கையைப் பிடித்துக்கொண்டிருக்கிற அண்ணகர்களுக்குக் குமாரரையும் குமாரத்திகளையும்விட விசேஷித்த இடத்தையும் அழியாத நித்திய நாமத்தையும் தருவேன்" என்று தேவன் வாக்குப்பண்ணினார். இது தேவனுடைய இரக்கத்தையும், சரீர குறைபாடுகளைக் கடந்த ஆவிக்குரிய அங்கீகாரத்தையும் காட்டுகிறது.

   எத்தியோப்பிய அண்ணகர் திருமுழுக்கு பெற்றது போல, புதிய ஏற்பாட்டின் கிருபையின் காலத்தில் கிறிஸ்துவின் மூலமாக சரீர பலவீனங்கள் கடந்து அனைவரும் தேவனுடைய குடும்பத்தில் ஏற்றுக்கொள்ளப்படுகிறார்கள்.

   

கலாத்தியர் 3:28-ல், "கிறிஸ்து இயேசுவுக்குள் யூதனென்றும் கிரேக்கனென்றும் இல்லை, அடிமையென்றும் சுயாதீனனென்றும் இல்லை, அனைவரும் தேவனுடைய கிருபைக்குள் சுதந்திரவாளிகளாயிருக்கிறார்கள்" என்று வேதம் கூறுகிறது. 

இது பாலினம், இனம், சமூக நிலை என எந்த வேறுபாடும் இன்றி அனைவரும் தேவனுக்குள் சமம் என்பதை வலியுறுத்துகிறது.

திருநங்கைகள் மற்றும் வேதாகம அண்ணகர்கள் - ஒரு ஒப்பீடு:

இன்றைய திருநங்கைகள் அல்லது மாற்றுப் பாலினத்தவர்களோடு வேதாகம அண்ணகர்களை ஒப்பிட முடியாது.

 திருநங்கைகள்:

இவர்கள் தங்களின் பிறப்புப் பாலின அடையாளத்தை உளவியல் ரீதியாகவோ அறுவை சிகிச்சை மூலமாகவோ மாற்றி வேறு பாலினமாக வாழ முற்படுபவர்கள் ஆவர்.

வேதாகம அண்ணகர்கள்:

இவர்கள் தங்கள் ஆண் என்ற பாலின அடையாளத்தை மாற்றிக் கொள்ளாமல் ஆண்களாகவே வாழ்ந்தனர்.

   

அவர்கள் சரீர குறைபாடு, கட்டாயப்படுத்தப்பட்ட அரச பணி அல்லது தேவனுக்கான பிரம்மச்சரிய அர்ப்பணிப்பு ஆகிய சூழல்களில் மட்டுமே வாழ்ந்தார்கள்.

   எனவே, அவர்கள் திருநங்கைகளில் இருந்து முற்றிலும் வேறுபட்டவர்கள் ஆவர்.