சோபத்தர் Sopater Bible Characters

திருமறையில் யார் இவர் யாரோ? - 99

சோபத்தர்: வேதவசனத்தில் உறுதியான அடித்தளம்

1. பெயர்:  

சோபத்தர் Sopater

2. அர்த்தம்: 

தகப்பனைக் காப்பவன்

3. திருமறை குறிப்புகள்: (இருப்பிடத்துடன்)

அப்போஸ்தலர் 20:4 - "ஆசியாநாடுவரைக்கும் அவனுக்குப் பின்சென்றவர்கள், பெரோயா ஊரானாகிய பீருவின் குமாரன் சூப்பத்தரும்..."

ரோமர் 16:21 - "என் இனத்தானாகிய சோசிப்பத்தரும் உங்களுக்கு வாழ்த்துச்சொல்லுகிறார்கள்." (குறிப்பு: சோசிப்பத்தர் [Sosipater] என்பவரும் சோபத்தரும் ஒருவரே என்று பெரும்பாலான வேத வல்லுநர்கள் கருதுகின்றனர்).

4. வரலாற்றுக் குறிப்புகள்

• இவர் மக்கதோனியா மாகாணத்தில் உள்ள பெரோயா பட்டணத்தைச் சேர்ந்தவர்.

• அப்போஸ்தலனாகிய பவுல் தனது மூன்றாம் மிஷனரி பயணத்தை முடித்து, எருசலேமிலிருந்த ஏழைப் பரிசுத்தவான்களுக்குச் சேகரிக்கப்பட்ட காணிக்கையைக் கொண்டு சென்றபோது, பவுலோடு ஆசியா வரை இணைந்து பயணித்த விசுவாசமிக்க ஊழியர்களில் இவரும் ஒருவர்.

• நாள்தோறும் வேதவசனங்களை ஆராய்ந்து பார்த்த நற்குணமுள்ள பெரோயா பட்டணத்துச் சபையின் விசுவாசியாக இருந்து, பவுலின் ஊழியத்தில் உண்மையான தோழனாக விளங்கினார்.

5. கற்றுக்கொள்ளும் ஒரு பாடம்:

பெரோயா பட்டணத்து மக்கள் நாள்தோறும் வேதவசனங்களை ஆராய்ந்து பார்த்த நற்குணமுள்ளவர்களாய் இருந்தனர் (அப்போஸ்தலர் 17:11). அந்தச் சபையிலிருந்து வந்த சோபத்தர், தேவ வசனத்தில் பலமான அடித்தளம் கொண்டவராக இருந்ததாலேயே ஆபத்து நிறைந்த மிஷனரிப் பயணங்களிலும் தேவ ஊழியத்தில் நிலைத்து நிற்க முடிந்தது.

இறையாசி

உங்களோடிருப்பதாக...

மேயேகோ.இன் திருமறை தியானம்

9486810915

தினமும் இந்த செய்தியை வாட்சப்பில் பெறலாம்.

Bible Characters in Tamil