அரிஸ்தர்க்கு Aristarchus Bible Characters

திருமறையில் யார் இவர் யாரோ? - 98

அரிஸ்தர்க்கு: பிறரின் பாரங்களைச் சுமக்கும் அன்பு

1. பெயர்:  

அரிஸ்தர்க்கு Aristarchus

2. அர்த்தம்: 

சிறந்த ஆட்சியாளன்

3. திருமறை குறிப்புகள்: (இருப்பிடத்துடன்)

• அப்போஸ்தலர் 19:29 – எபேசு நகரில் ஏற்பட்ட பெரும் கலகத்தின் போது, பவுலின் உடன் பயணிகளான அரிஸ்தர்க்குவும் காயுவும் கூட்டத்தினரால் திரையரங்கிற்குள் இழுத்துச் செல்லப்பட்டனர்.

• அப்போஸ்தலர் 20:4 – ஆசியா வரை பவுலோடு பயணம் செய்த தெசலோனிக்கேயர்களில் அரிஸ்தர்க்குவும் ஒருவர்.

• அப்போஸ்தலர் 27:2 – பவுல் கைதியாக உரோமைக்குக் கப்பலில் கொண்டு செல்லப்பட்டபோது, தெசலோனிக்கேயனாகிய அரிஸ்தர்க்குவும் அவருடன் கூடவே பயணித்தார்.

• கொலோசெயர் 4:10 – ரோமைச் சிறையிலிருந்த பவுல், இவரை "என்னோடேகூடக் காவலில் இருக்கிற அரிஸ்தர்க்கு" என்று குறிப்பிடுகிறார்.

• பிலேமோன் 1:24 – பவுல் இவரைத் தம்முடைய "உடன்வேலையாள்" என்று அழைக்கிறார்.

4. வரலாற்றுக் குறிப்புகள்

• இவர் மக்கெதோனியாவின் தெசலோனிக்கே நகரத்தைச் சேர்ந்த ஒரு கிரேக்கக் கிறிஸ்தவர்.

• அப்போஸ்தலனாகிய பவுலின் மூன்றாவது மிஷனரி பயணத்திலும், ரோமாபுரிப் பயணத்திலும் உண்மையுள்ள உடன் ஊழியராகவும் தோழராகவும் இருந்தார்.

• எபேசுவில் ஏற்பட்ட ஆபத்தான கலகத்திலும், கப்பல் சேதமான ரோமாபுரிப் பயணத்திலும், சிறைவாசத்திலும் பவுலை விட்டு விலகாமல் துன்பங்களைப் பகிர்ந்துகொண்டவர்.

• ஆரம்பகால திருச்சபை பாரம்பரியங்களின்படி, இவர் சிரியா நாட்டின் அபாமேயா (Apamea) பகுதியின் ஆயராகப் பணியாற்றி, நீரோ மன்னனின் ஆட்சிக்காலத்தில் கிறிஸ்துவிற்காக தியாகியாக (Martyr) உயிர்துறந்தார் என்று நம்பப்படுகிறது.

5. கற்றுக்கொள்ளும் ஒரு பாடம்:

பவுலின் சிறைவாசத்தின் தனிமையையும், ஊழியத்தின் பாரங்களையும் அரிஸ்தர்க்கு தாமே முன்வந்து பகிர்ந்துகொண்டார். தேவ ஊழியர்களையும் விசுவாசிகளையும் தாங்கும் சுமைதாங்கியாக வாழ்வதே உண்மையான சீஷத்துவம் என்பதை இவரது வாழ்வு நமக்கு உணர்த்துகிறது.

இறையாசி

உங்களோடிருப்பதாக...

மேயேகோ.இன் திருமறை தியானம்

9486810915

தினமும் இந்த செய்தியை வாட்சப்பில் பெறலாம்.

Bible Characters in Tamil