கர்த்தரின் பந்தியில் வா சகோதார | Karththarin Pathiyil Vaa | Holy Communion Songs

   கர்த்தரின் பந்தியில் வா சகோதார

   கர்த்தரின் பந்தியில் வா-கர்த்தர்

அன்பாய்ச் சொந்த ரத்தத்தைச் சிந்தின

காரணத்தை மனப் பூரணமாய் எண்ணி

1.ஜீவ அப்பமல்லோ - கிறிஸ்துவின்

திரு சரீரமல்லோ பாவ மனங்கல்லோ

உனக்காய்ப் பகிரப்பட்டதல்லோ

தேவகுமாரனின் ஜீவ அப்பத்தை நீ

தின்று அவருடன் என்றும் பிழைத்திட

2. தேவ அன்பைப் பாரு -  கிறிஸ்துவின்

சீஷர் குறை தீரு பாவக் கேட்டைக் கூறு

ராப்போஜன பந்திதனில் சேரு

சாவுக்குரிய மா பாவமுள்ள லோகம்

தன்னில் மனம் வைத்து அன்னியன் ஆகாதே

3. அன்பின் விருந்தாமே -கர்த்தருடன்

ஐக்கியப் பந்தி யாமே துன்பம் துயர் போமே

இருதயம் சுத்த திடனாமே

இன்பம் மிகும் தேவ அன்பின் விருந்துக்கு

ஏது தாமதமும் இல்லாதிப்போதே வா