படைப்பின் மீது படைப்பாளர் ஆளுகை
சங்கீதம் 93 ஐந்து வசனங்களைக் கொண்ட சிறிய சங்கீதமாகும். இது "அரியணை ஏற்ற சங்கீதம்" அல்லது "அரச சங்கீதம்" என அழைக்கப்படுகிறது. யூத பாரம்பரியத்தில், இது வெள்ளிக்கிழமைக்கான நியமிக்கப்பட்ட தின சங்கீதமாகும். ஏனென்றால், படைப்பின் நிறைவைக் கொண்டாடுவதற்கும் ஓய்வுநாளுக்குத் தயாராவதற்கும் ஏற்றதாக உள்ளது.
கடவுளின் மேலான அதிகாரத்தை மையமாகக் கொண்ட சங்கீதங்களின் (93-100) ஒரு பகுதியாக அமைந்த சங்கீதம் "கர்த்தர் ஆளுகிறார்" என்ற கூற்றுடன் தொடங்குகிறது. குழப்பமான பூமிக்குரிய சூழ்நிலைகள் இருந்தபோதிலும், படைப்பின் மீது யாவே நித்தியமான, சர்வ வல்லமையுள்ள ராஜா என்பதை சக்திவாய்ந்த முறையில் பிரகடனப்படுத்துகிறது.
படைப்பின் படைப்பாளராகவும் காப்பவராகவும் கடவுள் இருக்கிறார். கொந்தளிக்கும் கடல்களின் வல்லமையை விடவும் பெரியது இறை வல்லமை. அவருடைய சிம்மாசனம் தீண்டத்தகாததும், நித்தியமானதும், நம்பகத்தன்மை கொண்டாதுமாகும். ஆகவே வாழ்க்கையின் கொந்தளிப்புகளுக்கு மத்தியிலும், தேவன் சர்வோத்தமராக ஆட்சி செய்து, உறுதியான அடைக்கலமாக நிலைத்திருக்கிறார்.
இறையாசி
உங்களோடிருப்பதாக...
மேயேகோ
0 Comments