பள்ளி மாணவர்களிடையே மனநலம், உடல் நலம் மற்றும் சமூக விழுமியங்கள் குறித்த விழிப்புணர்வை ஏற்படுத்துவது மிகவும் அவசியம். மாணவர்கள் தங்கள் வளர் இளம் பருவத்தில் சந்திக்கும் குழப்பங்களைத் தெளிவுபடுத்தவும், ஆரோக்கியமான எதிர்காலத்தை உருவாக்கவும் இந்தப் புரிதல் உதவும்.
1. வளர் இளம் பருவ மாற்றங்கள் (Understanding Adolescence)
பள்ளிப் பருவம் என்பது உடல் மற்றும் மன ரீதியாகப் பல மாற்றங்கள் நிகழும் ஒரு காலகட்டம். இந்த நேரத்தில் ஹார்மோன் மாற்றங்களால் பல்வேறு ஈர்ப்புகள் (Attractions) தோன்றுவது இயல்பு. ஆனால், அந்த ஈர்ப்புகள் அனைத்தும் சரியானவை என்று எடுத்துக்கொள்ள முடியாது. இது ஒரு தற்காலிகமான குழப்ப நிலை என்பதை மாணவர்கள் உணர வேண்டும்.
2. ஆரோக்கியமான நட்பின் எல்லைகள் (Healthy Boundaries)
நண்பர்களுடன் நெருக்கமாக இருப்பது தவறில்லை, ஆனால் அந்தத் தொடர்புகள் கண்ணியமான முறையில் இருக்க வேண்டும். தவறான தொடுதல் (Bad Touch) மற்றும் முறையற்ற ஈர்ப்புகளை அடையாளம் காணத் தெரிய வேண்டும். ஆண் நண்பர்களுடனும், பெண் நண்பர்களுடனும் ஒரு பாதுகாப்பான இடைவெளியைப் பேணுவது மன அமைதிக்கு வழிவகுக்கும். சகாக்களின் உரையாடல் மற்றும் பழக்கங்கள் மூலம் வரும் அழுத்தம் (Peer Pressure) காரணமாக மாணவர்கள் தவறான பழக்கங்களுக்கு ஆளாகலாம்.
நண்பர்கள் அல்லது சமூகம் ஒரு செயலைச் செய்கிறது என்பதற்காக, தவறான காரியங்களில் ஈடுபடக் கூடாது. No சொல்ல தைரியமாக இருக்க வேண்டும்.
3. ஊடகங்களின் தாக்கம் (Influence of Media)
இன்றைய காலகட்டத்தில் இணையம் மற்றும் சமூக வலைதளங்கள் வாயிலாகப் பல தவறான தகவல்கள் மாணவர்களைச் சென்றடைகின்றன. பொழுதுபோக்கு ஊடகங்கள் சில சமயங்களில் இயல்புக்கு மாறான விஷயங்களைச் சரியாகக் காட்ட முயலலாம். இணையதளங்களில் வரும் அனைத்துத் தகவல்களும் உண்மையானவை அல்ல. அவற்றில் காட்டப்படும் சில போக்குகள் உங்கள் சிந்தனையைத் தவறாக வழிநடத்தலாம். மாணவர்கள் தங்களுக்கு ஏற்படும் சந்தேகங்களுக்கு இணையத்தில் (Google/Social Media) விடை தேடுவதைத் தவிர்க்க வேண்டும். மாணவர்கள் எதையும் பகுத்தாய்ந்து பார்க்கும் திறனை வளர்த்துக்கொள்ள வேண்டும்.
4. தவறான புரிதல்களைத் தவிர்த்தல் (Avoid misunderstanding)
நட்பிற்கும் ஈர்ப்பிற்கும் இடையிலான மெல்லிய கோட்டை மாணவர்கள் உணர்ந்து கொள்ள வேண்டும்.
ஒரே பாலினத்தைச் சேர்ந்தவர்களுடன் நெருக்கமாகப் பழகுவது என்பது 'நட்பு' மட்டுமே. அதைத் தவறான ஈர்ப்பாகவோ அல்லது பாலின அடையாளமாகவோ (Gender Identity) கருதி குழப்பமடையக் கூடாது. இந்த நெருக்கத்தை 'காதல் / காம மோகம்' என்று தவறாகப் பெயரிடுவதுதான் குழப்பத்திற்குத் தொடக்கம். இது உண்மையில் ஒரு ஆழமான சகோதரத்துவ அல்லது தோழமை உணர்வு மட்டுமே.
5. நல்வழிப்படுத்துதல் (Guidance)
மாணவர்கள் தங்களுக்குள் ஏற்படும் மாற்றங்களைப் பற்றி யாரிடமும் பேசத் தயங்கக் கூடாது. மாணவர்கள் இது போன்ற குழப்பங்களுக்கு ஆளாகும்போது: தங்கள் பெற்றோரிடம் மனம் விட்டுப் பேச வேண்டும். ஆசிரியர்கள் அல்லது பள்ளி ஆலோசகர்களின் (Counselors) உதவியைப் பெறலாம்.
இயற்கையின் படைப்பில் உணர்வுகள் & மாற்றங்கள் குறித்த இந்தப் புரிதல் மாணவர்களுக்குக் குடும்ப அமைப்பின் முக்கியத்துவத்தைக் கற்பிக்கிறது. மாணவர்கள் தங்கள் கல்வியில் கவனம் செலுத்தி, நற்பண்புகளை வளர்த்துக்கொள்வதே இந்த வயதின் முதன்மை நோக்கமாக இருக்க வேண்டும். ஒழுக்கமான வாழ்வும், தெளிவான சிந்தனையுமே ஒரு சிறந்த சமுதாயத்தை உருவாக்கும். மாணவர்களுக்கு இது குறித்துக் கற்பிக்கும்போது, அவர்களைக் காயப்படுத்தாமல், அறிவியல் ரீதியாகவும் தார்மீக ரீதியாகவும் சரியான பாதையைக் காட்டுவதே ஒரு சிறந்த வழிகாட்டியின் கடமையாகும்.
0 Comments