மத்தியா • Maththias • Bible Characters

திருமறையில் யார் இவர் யாரோ? - 49

மத்தியா: இறைத் தெரிவுக்கு அர்ப்பணித்தல்

1. பெயர்: மத்தியா • Maththias 

2. அர்த்தம்: 

கடவுளின் பரிசு

3. சிறுகுறிப்பு: 

• இயேசுவின் நேரடி 72 சீடர்களில் ஒருவர். இயேசுவின் ஞானஸ்நானம் முதல் அவருடைய உயிர்த்தெழுதல் வரை அவருடன் இருந்தவர்.

• இயேசுவின் 12 அப்போஸ்தலர்களில் ஒருவராகத் தேர்ந்தெடுக்கப்பட்டவர்.

• யூதாஸ்காரியோத்து இயேசுவைக் காட்டிக்கொடுத்து மரித்தபின், அந்த இடத்திற்குப் புதிய அப்போஸ்தலனாகத் தேர்ந்தெடுக்கப்பட்டவர்.

• மரபுவழிச் செய்திகளின்படி, மத்தியா எத்தியோப்பியா அல்லது கல்தேயா பகுதிகளில் ஊழியம் செய்ததாகவும், அங்கு அவர் கிறிஸ்துவுக்காகக் கொல்லப்பட்டு மறைசாட்சியாக மரித்ததாகவும் நம்பப்படுகிறது.

4. கற்றுக்கொள்ளும் ஒரு பாடம்:

சீட்டுப்போட்டுத் தேர்ந்தெடுக்கப்பட்டபோது, மத்தியா தன்னைத் தானே முன்னிறுத்திக் கொள்ளவில்லை. மனித விருப்பங்களுக்கு அப்பாற்பட்டு, கடவுள் சுட்டிக்காட்டும் பணிக்குத் தன்னை முழுமையாக அர்ப்பணிக்கும் மனப்பக்குவமே, ஒருவரைச் சிறந்த ஊழியராக மாற்றுகிறது. நமது வாழ்க்கையின் முக்கியமான முடிவுகளை எடுக்கும்போது, சுய விருப்பங்களைவிடக் கடவுளின் சித்தத்திற்கே முதலிடம் கொடுக்க வேண்டும் என்பதை மத்தியாவின் வாழ்வு நமக்கு உணர்த்துகிறது.

5. வேதாகம பகுதி (வாசிக்க): 

அப்போஸ்தலர் நடபடிகள் 1: 21 - 26

இறையாசி

உங்களோடிருப்பதாக...

மேயேகோ.இன் திருமறை தியானம்

9486810915

தினமும் இந்த செய்தியை வாட்சப்பில் பெறலாம்.