ஏரோது அகரிப்பா Herod Agrippa I Bible Characters

திருமறையில் யார் இவர் யாரோ? - 64

ஏரோது அகரிப்பா: பெருமை அழிவுக்கே

1. பெயர்:  

ஏரோது அகரிப்பா Herod Agrippa I

2. அர்த்தம்: 

"ஹீரோவின் மகன்" அல்லது "வீரப் பாரம்பரியம் உடையவன்

3. திருமறை சுருக்க குறிப்புகள்: (இருப்பிடத்துடன்)

• எருசலேமில் வளர்ந்து வந்த ஆரம்பகாலக் கிறிஸ்தவத் திருச்சபைக்கு எதிராகக் கடும் அடக்குமுறையைக் கையாளத் தொடங்கினான் (அப்போஸ்தலர் 12:1).

• செபெதேயுவின் குமாரனும், அப்போஸ்தலனுமாகிய யாக்கோபைப் பட்டயத்தினாலே கொன்றான் (அப்போஸ்தலர் 12:2).

• அப்போஸ்தலனாகிய பேதுருவையும் பிடித்துச் சிறையில் அடைத்தான். தேவத்தூதன் மூலம் பேதுரு அற்புதமாக விடுவிக்கப்பட்டார் (அப்போஸ்தலர் 12:3-11).

• இறுதியில் புழுக்களினால் தின்னப்பட்டு இறந்துபோனான் (அப்போஸ்தலர் 12:21-23).

4. வரலாற்றுக் குறிப்புகள்

• முதலாம் ஏரோது அகரிப்பா, பெரிய ஏரோதின் (Herod the Great) பேரன் மற்றும் ஏரோது அந்திப்பாவின் மருமகன்.

• உரோமை சக்கரவர்த்திகளான கலிகுலா (Caligula) மற்றும் கிளார்தியு (Claudius) ஆகியோரோடு இருந்த நெருங்கிய நட்பால், கி.பி. 41 முதல் 44 வரை யூதேயா, சமாரியா மற்றும் கலிலேயா ஆகிய முழுப் பகுதிகளையும் ஆளும் அரசனாகப் பொறுப்பேற்றான்.

• யூதர்களின் ஆதரவைப் பெறுவதற்காக, மோசேயின் நியாயப்பிரமாணத்தை தீவிரமாகப் பின்பற்றுவது போல நடித்து, யூதர்களின் பகைவரான கிறிஸ்தவர்களை ஒடுக்கினான்.

• வரலாற்று ஆசிரியர் ஜொசிபஸ் (Josephus) கூற்றுப்படி, கி.பி. 44-இல் செசரியாவில் நடந்த விளையாட்டுப் போட்டிகளின் போது அவன் அணிந்திருந்த வெள்ளி அங்கி சூரிய ஒளியில் மின்னியதைக் கண்டு மக்கள் அவனைத் தெய்வமாக ஆராதித்தனர்; அதை அவன் மறுக்காததால் கடுமையான வயிற்று நோயால் தாக்கப்பட்டு ஐந்து நாட்களில் இறந்தான்.

5. கற்றுக்கொள்ளும் ஒரு பாடம்:

ஏரோது அகரிப்பா மனிதர்களின் புகழ்ச்சியிலும் தன் அதிகாரத்தின் பெருமையிலும் மயங்கி, இறைவனுக்குரிய மகிமையைத் தான் எடுத்துக்கொண்டான். கடவுளின் திருச்சபையை அழிக்க நினைத்த இவன் அழிந்து போனான்.

இறையாசி

உங்களோடிருப்பதாக...

மேயேகோ.இன் திருமறை தியானம்

9486810915

தினமும் இந்த செய்தியை வாட்சப்பில் பெறலாம்.

Bible Characters in Tamil